Orru go váttis eallit?
Orru go váttis eallit?
Lea go buot veadjemeahttun? Lea go váttis gávdnat buori ákka joatkit eallima? Ražat go iešsorbmenjurdagiiguin? Ale vuollán! Lea vejolaš oažžut veahki!
Váldde oktavuođa gieldda váktadoaktáriin. Don gávnnat telefonnummara jus riŋget 1880 dahje oza www.gulesider.no . Čális “legevakt” ja “báikkinamma”/“gielddanamma”. Dahje váldde oktavuođa fástadoaktáriin dahje gieldda dearvvašvuođabálvalusain, dábálaš bargoáiggis.
Mii olbmot eat gierdda visot, ja olu váttisvuođat oktanaga sáhttet čuohcat midjiide. Sáhttet leat váttisvuođat nugo olu diggon ruovttus dahje ustibiiguin. Soaitá guoibmi guođđán du. Dahje don orut iežat mielas nu okto?
Soapmásat dovddahit ahte barggus ja skuvllas leat nu garra gáibádusat ahte olmmoš ii dovdda iežas goassege doarvái buorre.
Go dus lea nu bávččas ahte don it oainne šat makkárge čovdosiid, de sáhttet iešsorbmen jurdagat fáhtet du. Eai leat liikká gallis geat eai hálit eallit. Eatnasat dáhttot rievdadusaid eallimis justá dál.
Heatetelefovdna. Neahtas ja telefovnnas birra jándora.
Háliidat go háleštit? Riŋges midjiide 800 33321. Neahtas.
dii 18-22 buot beivviid earret lavvardaga
Neahtas ja telefovnnas birra jándora.
Luohtát go oktiige? Dávjá lea nu ahte mii eat duostta earáid vuorjat iežamet váttisvuođaiguin. Mii vajáldahttit ahte eanaš olbmot háliidit leahkit mávssolažžan nuppiide, ja danin eatnasat iluin maiddái veahkehit. Sáhttá leat ustit, muhtun bearrašis, oahpaheaddji, dearvvašvuođadivššár, doavttir dahje báhppa. Go earáiguin háleštat de lea álkit oaidnit čovdosiid ja dovdat ahte áššit rivdet.
